Messi dinhmun chiang lo

Lionel Messi-a'n hliam tenau vangin Ligue 1 match a khel lo. Zanin dar 12:30 hian Paris Saint-Germain chuan Champions League khel turin Benfica an mikhual dawn, forward ṭha mi Messi hi a inlan thei dawn em tih a chiang lo.

Portuguese club nen an intawn hnuhnungah Messi hian goal mawi a khung. Klyian Mbappe leh Neymar te nen ball an inpek kual hnuah a khung tuah a ṭang, zaninah a inlan thei lo a nih chuan Paris club tan channa a ni dawn.

Christophe Galtier naute hian Messi tel loin Reims lakah goal an khung lo a, zainah erawh a tir aṭangin Neymar a chhawr ngei ang a, an inkhelhna tur Paris khawpui a nih bawk avangin chak zawk tura rinkai an ni ang.