Mizo tamna ISL club zaninah inkhel dawn

Indian Super League-a Mizo player kawl hnem Jamshedpur FC leh Odisha FC chu zanin dar 7:30 hian an intawng dawn a, inkhel en a manhla ang.

Jamshedpur hian Mizo defender rual Ricky Lallawmawma, Laldinliana Renthlei leh Laldinpuia Pachuau te an kawl a, season hmasa khan Scottish coach Owen Coyle kaihhruaina hnuaiah league hmahruaitu niin playoff hial an khel.

Mahse, Bolton Wanderers leh Blackburn Rovers boss hlui hian JFC a chhuahsan a, Scottish second division club Queen's Park a enkawl zui - coach thar Aidy Boothroyd hnuaiah Men of Steel an inkhel dawn a, ani hi Watford boss hlui, England Under 20, U19 leh U21 pawh lo enkawl tawh a ni.

Odisha FC-ah Mizo player inkawm hlim tham an awm - goalkeeper Lalthuammawia Ralte, defender Lalhrezuala Sailung, Lalruatthara, midfielder Isaac Vanmalsawma, Paul Ramfangzauva, forward CVL Remtluanga, Isak Vanlalruatfela leh Jerry Mawihmingthanga te an awm bawk.