Djokovic tan title 90

Novak Djokovic chuan tennis a khelh hun chhungin nomawi 90 a chawi tling ta. Grand Slam vawi 21 champion tawh hi Pathianni zan khan Astana Open-ah a champion a, title lak hnem lamah bung thar a kai leh ta a ni.

Serbian star hian Stefanos Tsitsipas chu 6-3, 6-4 in a hneh, hnehna chang tur hian darkar khat leh minute 15 bak hun a mamawh lo. A tir aṭangin Greek tlangval lakah Novak hi kawng tinrengah a chungnung.

Kum 35 mi Djokovic chuan, "Ka tan chuan eng tournament pawh hi a hlu vek, engtik niah emaw chuan ka la champion ve ang ka tia ka ngaihtuahna hmuna hlawhtlinna ka chang zel thei hi ka lawm," tiin a sawi.

Chak lo Tsitsipas hi a vanduai, tun hnaia ATP tour hoa final a khelh hnuhnung pakuaah a chak lo zawk a ni vek. A tana kum ṭha chu ni se nomawi a chawi nual ngei ang.

Japan Open lamah Taylor Fritz chuan amah ang bawka American player Frances Tiafoe chu 7-6 (7-3), 7-6 (7-2) in a hneh ve bawk.