Wushu-ah medal hlawh chhuak pha lo

National Games 2022 Wushu inelnaah Mizoram aiawhin Republic Vengthlang nula Cicilia Lalhlupuii a tel a, inelna hi October 8, Inrinni khan Mahatma Mandir, Gandhinagar-ah neih a ni.

Wushu-ah hian lam chi hrang hrang a awm a, Mizo nula telna hi taijiquan (dance) niin hmanraw tel loa lam a ni a, taolu tiin an sawi bawk. Inelnaa telte hi minute 3-4 an lam a, heta ti ṭha ber hian medal a dawng. Cicilia hi medal la zingah a tel pha lo.

Wushu coach Lalrinliana chuan, "Keini tan chuan a taolu (dance) hi National Games-ah kan vawi khat telna a ni a, kan thlen chin ah kan lawm ve viau. Hma kan la zel ang a, inelna neih leh hunah chuan medal lak ve ngei kan inbeisei," tiin Vanglaini a hrilh.