MPL9 round 6 khelh hun an sawn

Zote Honda MPL9 round 6 chu Lammual generator chhiat vangin a khelh hun sawn a ni a, MPL Board chuan round 6 khelh chu October 11-12, 2012 atan an sawn. Amaherawhchu, Khawzawl kawng a ṭhat tawk loh avangin MPL club-ten zin nan hun an hmang rei a, hahchawlhna hun ṭha an neih theih nan October 14-15, 2022-ah inkhelh hun hi sawn a ni.

MPL Board chuan, "Club-te ngenna leh an inbuatsaihna atan a hun remchang leh ṭha zawk an neih theih beiseinain inkhelh hun hi thlak danglam a ni," tiin thuchhuah an siam.

Inkhelh hun hi ruahmanna hmasaah chuan chhun dar 12:00 leh tlai dar 3:00 a ni a, ruahmanna tharah chuan tlai dar 4:00 leh zan dar 7:00 a ni dawn. Ni sat laia an inkhelh dawn loh avangin inkhel a hmuhnawm sawt beisei a ni.

October 14, Zirtawpni tlaiah hmahruaitu Aizawl FC-in an hnuai chiaha awm FC Venghnuai an hmachhawn dawn a, champion beisei ngam zinga mi Mizoram Police-in team talbuai Chanmari FC te zan lamah an inhel ang.

October 15, Inrinniah Khawzawla che ṭha Chawnpui FC leh table mawngphaha awm Electric Veng an inkhel ang a, zan lamah hneh loh la tawng lo Chhinga Veng leh kai thar FC Bethlehem te an inkhel thung ang.

Round 6 - RG Stadium
October 14, Zirtawpni
Aizawl FC 4:00 PM FC Venghnuai
Chanmari FC 7:00 PM Mizoram Police FC
October 15, Inrinni
Chawnpui FC 4:00 PM Electric Veng FC
Chhinga Veng FC 7:00 PM FC Bethlehem