Swiatek hnehin Krejcikova a champion

Barbora Krejcikova chuan tunlaia khel ṭha thei tak Iga Swiatek hnehin Ostrava Open title a la, a zawna match 10 chak tawh Swiatek tan nomawi zawng zawng chawi vek theih a ni bik lo tih a takin kan hmu.

Final khelh hma chuan world number 1 Swiatek hi champion tura rinkai zawk a ni. Mahse, tualchhung nula Krejcikova a ṭang thei viau, darkar thum leh minute 16 an inkhelh hnuah 7-5, 6-7 (4), 3-6 in a chak.

Chak lo Swiatek hian season kal laiah Grand Slam pahnih - French Open leh US Open nomawi a chawi, heng bakah hian Doha, Indian Wells, Miami, Stuttgart leh Rome Open-ah a champion bawk a ni.