Shreyas Iyer-a'n India a chakpui

India chuan ODI match hmasa berah South Africa hneh lo mah se match hnihnaah wicket sarihin an hneh let. JSCA International Stadium Complex, Jharkhand-a inkhelah India hi Shreyas Iyer (113*) leh Ishan Kishan (93) ten an chakpui.

Proteas hian bat hmasak an thlang a; Aiden Markram (79), Reeza Hendricks (74) leh David Miller (35*) te hmangin 278/7 runs an siam. T20 awm hnuah ODI-a target atan 300 runs tling lo hi chu a ṭha tawk lo.

India bat hun a thleng a, captain Shkikhar Dhawan (13) leh Shubman Gill (28) te che ṭha tawk lo mah se Shreyas Iyer-a'n thi loin century (113) a siam. Ishan Kishan-a'n 93 runs a siam bakah Sanju Samson-a'n 30 runs a rawn siam belh bawk a, ball 25 dah bangin hnehna an chang.

Vawiin tlai dar 1:30 hian Arun Jaitley Stadium, New Delhi-ah ODI match hnuhnung ber hi khelh a ni dawn. A chak zawkin series an la ang.