Bundesliga hma-hruaitu Union Berlin

Union Berlin chuan an elpui Bayern Munich leh Borussia Dortmund te point hloh chu remchangah lain Pathianni zan khan VfB Stuttgart chu 1-0 in an hneh a, hmahruaina an belhchhah.

Mercedes-Benz Arena-ah Union Berlin defender Paul Jaeckel chuan corner aṭangin minute 76-naah goal awmchhun a khung. Kum 24 mi Jaeckel tan Bundesliga-a a goal hmasa ber a ni.

Inkhel dangalh SC Freibug leh Hertha Berlin te 2-2 in an inhnehtawk. Berlin hian point 20 hmuin hmahruaitu an ni a, Freiburg-in point 18 hmuin an dawt. Bayern leh Dortmund ten point 16 ve ve an hmu tawh a, pathumna leh palinaah an awm.