Dortmund an phur zel dawn em?

Borussia Dortmund-in zanin dar 12:30 hian Signal Iduna Park-ah Sevilla an hmachhawn dawn. Kar liam ta khan Dortmund hian Spanish club hi 4-1 in an sawp a, kartawp khan an khelmualah hian Bundesliga champion lai Bayern Munich chu 2-2 in an chelh bawk.

BVB hi an phur lai a ni a, Sevilla hi an mualah an hneh thei a nih chuan UCL knockout stage an lut thei ang. German club hian point ruk an hmu tawh a, English midfielder Jude Bellingham chuan group match vawi thum khelh tawhah a la pet goal vek bawk.

Edin Terzic hote hi an chak zo lo a nih pawhin point khat an hmuh hrim hrim chuan quarterfinal lut turin an dinhmun a ṭha tho ang. UCL group G inkhel dangah Manchester City leh Copenhagen te an inkhel dawn.

Man City hi match thum an khelh tawhah an la chak vek a, Copenhagen hi Eithad Stadium-ah 5-0 in an sawp tawh. Parken Stadium-ah pawh Pep Guardiola hote hi chak ngei tura rin an ni a, inkhel result ai mahin Erling Haaland a goal khung leh khung loin ngaihven a hlawh ang.