Real tan hna a awlsam

Zanin dar 12:30 hian Real Madrid-in Polish Army Stadium-ah Shakthar Donetsk an hmachhawn dawn a, hnehna an chang a nih chuan Spanish champion hian UCL knockout stage an lut ang.

UCL group F-ah Real hian match thumah point kua an hmu tawh a, kar liam ta khan Ukranian club hi 2-1 in an hneh tawh. Carlo Ancelotti hote hi an dinhmun a ṭha a, hemi a nih avang hian kartawpa khelh tur El Clasico atan an indah ṭha a nih pawhin a mak lo ang.

Inkhel dangah Celtic-in zanin dar 12:30 hian RB Leipzig an mikhual dawn. German club hian an mualah Scottish club hi 3-1 in an hneh a, Celtic tan knockout stage luh beiseina chhi nung turin chak a pawimawh ang.