Napoli leh Roma an chak

Pathianni zan Serie A inkhelah Napoli chuan Cremonese 4-1 in an sawp a, table chung berah an awm chhunzawm. Naples khaw club hian hun tawp hma minute 14 chauh awm tawhah goal thum lai an khung.

Inkhel dangah tun hnaia chak tluang tak Udinese chu Atalanta nen 2-2 in an inhnehtawk a, champion tum ngam zinga mi Jose Mourinho enkawl AS Roma chuan Leece 2-1 a hnehin point thum an hlawh chhuak ve bawk.

Napoli lamin Matteo Politano-a penalty hmangin hma an hruai a, mualneitu lamin Cyriel Dessers hmangin second half tirah an sut. Goal dang a lut zui lawk lo, hun tawp dawn lamah team ṭha zawkin Giovanni Simeone, Hirving Lozano leh Mathias Olivera hmangin an khung belh.

Inkhel dangah hnehna chang turin Roma lamin vanneihna an mamawh. Chris Smalling hmangin hma an hruai a, Leece midfielder Morten Hjulmand chu minute 22-na lekah hnawhchhuah a ni.

Roma dinhmun a ṭha viau dawnin lang mah se Strefezza Rebelato hmangin si phurh an sut. Second half-ah substitute Tammy Abraham-a penalty chu Paulo Dybala-a'n a khung a, goal dang a lut zui tawh lo.