Mumbai lakah Mizoram chak lo

India ram chhunga state hrang hrang cricket hmanga inelna - Syed Mushtaq Ali Trophy-ah nimin khan Mizoram an inlan a, an match hmasa berah hian Mumbai chu wicket kuain an hneh lo.

Saurashtra Cricket Association Stadium Ground C-a inkhelah, ṭhumvawra vannei zawk Mumbai lamin vawm hmasak an thlang. Mizoram hian over 80 chhungin run 98 an siam a, mi pariat an in hloh.

Mumbai tan target hi a sang lo, over 10.3 lekah mi pakhat thi chungin target an khum a, harsa lo takin hnehna an chang. Mizoram lamin wicket khat an lak hi Remruatdika Ralte lak a ni.

Mizoram hi Group A-ah Assam, Madhya Pradesh, Mumbai, Rajasthan, Uttarakhand leh Vidarbha te nen an awmkhawm. Season hmasa lama team nem deuh an dahkhawmna 'Plate Group' ang kha a awm tawh lo, hnehna chan a harsa dawn tihna a ni.

October 14, Zirtawpni hian Mizoramin Vidarbha an hmachhawn leh ang.