Lazio lakah Fiorentina mualpho

Thawhṭanni zan Serie A inkhelah Lazio chuan khualmualah Fiorentina 4-0 in an hneh. Matias Vecino, Mattia Zaccagni, Luis Alberto leh Ciro Immobile ten goal khat ṭheuh an khung a, mualneitu lamin chhanletna an nei lo.

Lazio hian match kua aṭangin point 20 an hmu a, khelh zat inangah hmahruaitu Napoli an phak lohna chu point thum a ni. Pangana AC Milan nen an point a inzat reng thung, an inhnaih chilh hlawm hle.

Kar tawpah Lazio hian an hnuai chiaha awm Udinese an hmachhawn dawn, an dinhmun siamṭhat theihna remchang a nih rualin chetsual chuan thlak hniam duai theihna a ni thung ang.