Pariatnaah Taylor Fritz a awm

American tlangval zingah ranking sang an awm hleithei ta meuh lo a, kum nga deuh thaw a nih hnuah Taylor Fritz chu American mipa player zingah a sang zual 10 zinga tel leh thei hmasa a ni ta.

Kum 24 mi Fritz hian ranking hmasa aiin hma a sawn a, a hma lama player pathum awm kalkhumin a dinhmun a sawh nghet a ni. Jack Sock (2017 November) kha American mipa zinga top 10 kai thei hnuhnung a ni a, tunah a hnung an rawn zui ve leh ta chiah.

US Open champion Carlos Alcaraz chu a chung berah a la awmchhunzawm a, a hnuaiah Rafael Nadal a awm. Tun hnaiah Nadal inkhel tam lo mah se, a elpui player ṭhenkhat ten ranking point humhim tur an neih an humhim thei lo, hei vang hian a ranking a san phah a ni.

Grand Slam vawi 21 champion tawh Novak Djokovic chu pasarihnaah a awm. Serbian star hian tun hnaiah Astana Open nomawi a chawi a, tennis a khelh hun chhunga nomawi 90 a chawi tlinna a ni a, ranking erawh a la san belh thei rih lo thung.