An ramah Sharapova a chak lo nghal

Maria Sharapova chuan hrem a nih hnua a vawi khat nan an ramah inelna a hmachhawn a, a chak lo nghal. Thawhlehni zan khan Russian nula hi Kremlin Cup first round-ah Magdalena Rybarikova lakah 7-6(3), 6-4 in an chak lo nghal.

World number 1 hlui Sharapova hian kum hnih hnua a vawi khat nan kar hmasa khan Tianjin Open nomawi a chawi a, world ranking-ah pawh 57-naah invawrh chhoin hma a sawn nasa hle. Beiseina sang tak nen Moscow-ah inlan in mipui ṭan a hlawh hle, mahse a duh leh beisei angin a thleng ta lo a ni.

Grand Slam vawi nga champion tawh Sharapova chuan, "Ni nga chhungin match nga ka khel a, a harsa ve deuh a ni. Kan rama inkhelh ngei kha ka duh avangin hahchawl loin ka inlan zui a, mipui beisei ang ka ti hlawhtling thei lo erawh pawi ka ti hle," tiin a sawi.