Vawi khat nan German club RB Leipzig an chak

RB Leipzig chu Bundesliga an vawi khat khelhnaah pahnih­na an ni a, Champions League an khel. Kum 2009-a din Ger­man club hian Thawhlehni zan khan European football-a an vawi khat chakna ni turin 2004 champion FC Porto chu 3-2 in an hneh.

Leipzig hian kartawp khan Borussia Dortmund chu 3-2 in an va luhchhuah tawh bawk, Signal Iduna Park-ah a zawna league match 41 chhung hneh loh tawng tawh lo Dortmund an hneh hnuah result ṭha an nei zui a ni.

Group G inkhel pakhat zawkah Besiktas chuan Ligue 1 champion AS Monaco chu 2-1 in an hneh a, Turkish champion hian match thum khelh tawhah hnehna chang vekin hmahruaitu an ni.

Season hmasa semifinalist Monaco tan striker rinrawl Ra­da­mel Falcao chuan goal hmahruai khung mah se Besiktas lam tan Premier League club ṭhenkhat nena sawi zawm striker Cenk Tosun chuan goal hnihin a chhanglet.