Man City-in Haaland an hahdamtir

Manchester City chuan Champions League-ah goal khung khawl Erling Haaland an hahdamtir a, Thawhlehni zan khan Parken Stadium-ah goal awm loin Copenhagen nen an inhnehtawk.

Pep Guardiola hote hi khualmualah an vanduai a, Rodri goal ropui chu ball-in Riyad Mahrez kut a per avangin pawmsak an ni lo. Minute 30-naah Sergio Gomez hnawhchhuah a nih avangin English club hi player 10-in an khel a, hetichung hian inkhel thununtu an ni tho.

Group G inkhel dangah Borussia Dortmund leh Sevilla te 1-1 in an inhnehtawk a, German club tan hian Jude Bellingham-a'n goal a khung. English midfielder hian UCL match liah goal a la khung vek.

Sevilla-in point thum an hlawhchhuah theih loh avangin point hnih chiah an la hmu a, hmahruaitu Man City an umpha thei tawh lo. Pep Guardiola hote hian knockout stage an lut.

October 16, Pathianni hian Man City-in Anfield-ah Liverpool an tlawh dawn a, Copenhagen laka hahdam Erling Haaland-a'n hmun pawimawh a chang ang.