Thangpuia hoin Services-in bronze la

National Games 2022 football inelnaah Services chuan pathumna zawnn aah Karnataka 4-0 in an sawp a, bronze medal an hlawh chhuak. Services team-ah hian Mizo tlangval Zothanpuia (Thangpuia) a tel a, medal hlantu hi Mizo pa Malsawma Renthlei (Asawma) a ni.

Asawma hian National Games 2022-ah hian football mipa inelnaah match commissioner hna a chelh. Services defender Thangpuia hian Santosh Trophy leh Dr T Ao Football-ah Mizoram a champion pui tawh a, Chanmari FC tana a khelh laiin Mizoram Premier League leh I Day Football vawi khat ve ve a champion tawh bakah MFA Super Cup-ah kum zawnin a champion bawk.

Thangpuia hi Bethlehem aṭangin Falkland East-ah an insawn tawh a, football khelh thiam vangin Army-ah a lut. MPL hmasa pahnihah khan Thangpuia hi best defender-ah thlan ve ve a ni a, MPL best defender vawi hnih la thei awmchhun a la ni.

Football inelnaah hian 2015 champion Mizoram an tel pha lo a, final-ah West Bengal chuan Kerala 5-0 a hnehin gold medal an la.