Carrick-a'n Boro a enkawl a rinawm loh

Middlesbrough chuan manager thar atan Michael Carrick an bia a, amaherawhchu Manchester United midfielder hlui hian hahchawlh phawt a la duh. Championship club Boro hian Chris Wilder an ban hnuah manager nghet an la nei leh lo.

Kum 41 mi Carrick hian Boro enkawl hi châk mah se chhungkuaa chen ho a la thlahlel a, la hahdam rih a duh. Carrick hian Pathianni zana Manchester United-in Everton an hneh kha a fapa Jacey nen Goodison Park-ah a en.

Football khelh a chawlhsan hnuah Carrick hian Jose Mourinho hnuaiah manager hna a thawk a, a thawhpui ṭhin Kieran McKenna chuan League One club Ipswich Town a enkawl mek. Mourinho-a'n United a chhuahsan hnuah Ole Gunnar Solskjaer hnuaiah a thawk zui a, Norwegian manager an ban hian hun rei lote chhung Man United hi a enkawl a ni.

Carrick nena sawizawm Mid-dlesbrough hi Championship match 13-ah vawi thum chiah la chakin table-ah 21-naah an awm mek.