Qatar-ah Lucha Libre hmaikawr an khap

Mexico ṭantuten an larpui Lucha Libre hmaikawr chu 2022 World Cup-ah an khap. Mexico Ministry of Foreign Affairs Alfonso Zegbe chuan Qatar 2022 Organising Committee-ah hmaikawr chungchang hi an zawtfiah a, inelna buatsaihtute hian an remtih loh thu an hrilh.

Qatar 2022 Organising Committee chuan Lucha Libre hmaikawr an khap chhan chu invenhimna vang a nih thu an sawi a, stadium chhunga keng lut an awm a nih chuan an laksak hmiah hmiah dawn. Qatar-ah thil khap a tam a, zu pawh khap a ni.

Mexico ṭantute tan chuan Organising Committee thutlukna hi hriatthiam a har dawn a, hmakhawr tel loin an football team an auh phur a ngai. FIFA World Cup 2022 hi November 20 aṭanga khelh ṭan tur a ni a, Mexico hi Lionel Messi telna Argentina bakah Poland leh Saudi Arabia te nen group khatah an awm.