Tottenham khelmualah Joshua?

British boxer rothap Anthony Joshua promoter Eddie Hearn chuan a boxer chu Tottenham Hotspur Stadium-ah a inhnek a rin thu a sawi a, kum 30 mi Joshua hi June thla khian Bulgarian boxer Kubrat Pulev nen inhmachhawn tura ngaih an ni

. 

Joshua hian December khan Saudi Arabia-ah a inhnek hnuhnung ber a hmachhawn a, rin loh taka amah lo hneh tawhtu Andy Ruiz Jr. chu hneh letin a kawnghren hloh tawh te a nei let.

Hearn chuan, "Far East, Middle East, Africa, America leh Turkeyaṭangtein sawmna kan hmu a, mahse amah chuan London-a inhnek hmachhawn ngei a duh. 

"Spurs hi inhnek thleng thei zinga langsar an ni a, he hmun hi bawhzui mai turin Joshua hian min duh a ni," a ti a, a boxer chuan US-a Madison Square Garden leh Saudi-a inhnek a hmachhawn tawh avangin London-a inhnek a duh chu awm a tihpui thu a sawi. 

Kum 30 mi Joshua hian vawi 24 inhnek a hmachhawn tawhah vawi 23 hnehna a chang a, London khawpuia a inhnek hnuhnun ber chu September 2018 kha niin khelmual hmingthang Wembley Stadium-ah Alexander Povetkin a hneh a ni.