Entu awm lo chuan Fury leh Wilder inhnek dawn lo

Boxing promoter lar Frank Warren chuan entu awm lo chuan Tyson Fury leh Deontay Wilder te an inhnek dawn loh thu a sawi a, "Entu awm theih loh lai chuan fighter lar inhmachhawn an awm lo ang," a ti.

 

British Boxing Board of Control chuan July-ah chuan inhnek a awm leh theih mai theih tawh thu an sawi a, mahse kum 68 mi Warren chuan BBBofC thu chhuak chu 'British level' inhnekna tur mai nia a hriat thu a sawi. 

Warren chuan, "Boxing lian tham a thleng rih dawn lo a, entu awm loa Fury leh Wilder inhnektir chu thil tih chi a ni lo. Inhnek awm mai thei tura kan sawi hi chu British 'level' title a ni a, anni ho hian sum awm loh vanga boxing an chawlhsan mai loh nan inhnek an hmachhawn a ngai a ni," a ti. 

British Boxing Board of Control (BBBofC) chuan July-a boxing awm chhunzawm tir an tum chu a khauh thei ang bera kalpui a nih tur thu an sawi a, fight-te pawh entu awm loa neih a nih tur thu leh championship contest a awm loh tur thu an sawi.