FC Goa coach thar Juan Ferrando

8th May, 2020

Indian Super League club FC Goa chuan coach atan Juan Ferrando an lalut a, kum 39 mi manager ho hian season tharah AFC Champions League an hmachhawn dawn tihna a ni.

Ferrando hian player ang chuan Espanyol youth team aṭangin a career a ṭan a, mahse kum 18 mi lek niin hliam vangin inkhelh a chawlhsan a ngai. Spanish club tenau CE Premia aṭanga a coaching career ṭanin 2012-13 season khan La Liga club Málaga-a technical staff zingah a tel.

Barcelona-a piang coach hmingṭhat berna erawh Greek third division club Volos a enkawl chu a ni a, season hnih chhungin Greek Super League-ah a inhlankaipui thei a ni.

Greek Football Association chuan 2017-18 season khan manager ṭha berah an thlang a, FC Goa hian ISL nomawi bakah Champions League result ṭha an beisei ang.