Marin hnehtu Saina Nehwal

Indian shuttler Saina Nehwal chuan Olympic champion Carolina Marin hnehin Denmark Open-ah bul a ṭan fuh hle. World championship-a bronze medal dawng tawh Saina hian Spain nula Marin lakah hian 22-20, 21-18 in hnehna a chang.

Saina-i'n hnehna a chan hnuah PV Sindhu chu court chhungah a inlanzui ve leh. Rio Olympic silver medallist hi Korea leh Japan Open lamah beisei a phak loh avangin Demnark-ah a fimkhur hle. Mahse, Sindhu hian tun hma lama a game a la phak lo chhunzawm - minute 43 an inkhelh hnuah Sindhu hi world number 10 Chen Yufei lakah 17-21, 21-23 in a chak lo zawkah a ṭang.

Mipa singles lamah pawh India tlangval ten bul an

ṭan fuh viau. Kidambi Srikanth leh HS Prannoy te chuan harsatna nei loa hnehna an chan laiin B Sai Praneeth erawh a chak lo nghal.

Tun hnaia khel ṭha tak Srikanth chuan Subhankar Deylakah chu 21-17, 21-15 a hnehin Korean shuttler Jeon Hyeok Jin a hmachawn leh dawn. World number 15 Prannoy chu game hnihnaah 6-11 zetin hnufual hman mah se Emil Holst lakah 21-18, 21-19 in hnehna a chang let thei. India medal beiseina pakhat Praneeth erawh 10-21, 15-21 in Solberg Vittinghus lakah a tlawm thung a ni.