ATP Finals thlirtu Roger Federer

Roger Federer chuan a vawi sarih nan ATP Finals champion nih theih a beisei thu a sawi chhuak. Swiss star hian world number 1 ni chunga season khar thei turin beiseina a la nei bawk.

Grand Slam vawi 19 cham­pion tawh Federer hian world number 1 Rafael Nadal hnehin Sanghai Masters nomawi a chawi a, world number 2 hian kuminah Nadal nen an intawnah hnehna a chan vek theih avangin kum 2011 hnua a vawi khat nan ATP Finals nomawi a beisei sang hle.

Kum 36 mi Federer chuan, "London-ah kan inkhelh leh dawn, ka inkhelh thiamna leh hmun nuam ka tihna taka season kan khar thei tur hi ka lawmin ka phur hle a ni, kum danga ka lo tih fo tawh ang ngeiin nomawi chawi theih ngei ka inbeisei," tiin a sawi.

Open Era china mipa singles player hlawhtling ber Federer chuan sawi zawmin, "Ranking-a a chung bera awm chunga season khar theih chu duhthusam a ni a, chutih rualin chumi thleng tur chuan kawng a la thui hle thung. Season harsa tak ka tawn hnuah kuminah beisei aia ṭhain ka khel thei a, ka hun tawn avang hian ka hlim takzet a ni," tiin a sawi.