National Games a ṭiak ta

India ram chhunga state hrang hrang inelna lian 2022 National Games of India chu Nilaini zan khan a ṭiak ta. State hrang 28 leh union territories pariat bakah Indian Armed Forces te an inel a, infiammi 7000 zet an kalkhawm.

Services chuan gold medal 61 lain an chungnung ber a, anni dawta gold medal la hnem chu Maharashtra (36) an ni. Mizoram chuan gold medal pakhat, silver medal pakhat leh bronze medal pahnih lain 28-na dinhmun an luah ve bawk.

Mizoram sports minister Robert Romawia Royte chuan, "National Games khel phak nih ringawt pawh a harsa, chutiang kara Mizoram tana medal late ka lawmpui. Hmasawnna tur tam tak kan la nei a, infiamna huangah hian kan thlen chin a la sang tawk lo.

"Hliam vangin Jeremy Lalrinnunga a khel thei lo a, gold medal pakhat kan chânah a ngaih theih," tiin Vanglaini a hrilh a, hripui leng vanga Mizoram kan inkhuahkhirh rei bik chuan inbuatsaihna kawngah harsatna a siam thu a sawi bawk.

Nakkum hian Goa-ah National Games a awm leh nghal ang.