Turkish Super Lig pawh

Bundesliga ang bawkin Turkish Super Lig pawh khelh chhunzawm an tum, inelna hi June 12 aṭanga khelh leh tur niin July thlaah an zo ang. Croatian First Football League pawh entu awm loin May 30 aṭanga khelin June 6-ah an zo thung ang.

Turkey rama football an khel leh tur hi UEFA tan chanchin ṭha a ni. Turkish football federation chairman Nihat Ozdemir chuan August thla hian Istanbul khawpuiah Champions League final an thlen theih ngei a beisei.

Ozdemir chuan, "Boruak hrehawm tak kan tawrh hnua nunphung pangngai ka nei thei leh ṭan tur hi a lawmawm," tiin a sawi. La Liga president Javier Tebas pawhin European football an nei thei leh ngei dawn nia a hriat thu a sawi ve bawk.