Chong Wei hnehtu Prannoy
HS Prannoy chuan a zawna a vawi hnih nan Lee Chong Wei a hneh a, Indian shuttler dang Saina Nehwal leh Kidambi Srikanth te pawhin Denmark Open Super Series Premier quarterfinal an inhlangkai.
Denmark-a inkhelah Prannoy hian Olympic silver medal vawi hnih dawng tawh Chong Wei lakah hian 21-17, 11-21, 21-19 in hnehna a chang. Indonesia Super Series Premier-ah pawh khan Prannoy vek hian world number 1 hlui Chong Wei hi a lo hneh tawh bawk a ni.
Prannoy chuan, "Chong Wei hi kum 34 a ni tawh a, tun ang kumah pawh khawvela player ṭha ber pakhat a la tling. A lakah hnehna ka chan vangin nomawi chungchang zawhna ka dawng nghal a, ka tan tun dinhmunah chuan match lehpek bak sawi theih a ni lo," tiin a sawi.
Tun season chhunga Indonesia leh Australia Super Series title la tawh Srikanth chuan Korea tlangval Jeon Hyeok Jin chu 21-13, 8-21, 21-18 in a hneh. Hmeichhe singles lamah London Olympic bronze medalist Saina chuan Thailand nula Nitchaon Jindapol chu 22-20, 21-13 in a hneh ve bawk.