Kante a la chawl zel dawn

Chelsea tan chuan thu hriat nuam tak a ni lo ang. N’Golo Kante chu malpui tha hliam vanga a chawlh zel a la ngai dawn - France international hi FIFA World Cup atan pawh a dinhmun a chiang ta lo.

Graham Potter-a'n Blues a enkawl chinah Kante hi a la chhawr thei lo, a tel loin midfield lai a rem a ngai ṭhin a, tu ber nge a rinrawl ni tur pawh hriat a la har angreng, chutihrualin team nghet pangngai tak chu a din thei dawn niin a lang.

Jorginho, Mateo Kovacic, Ruben Loftus-Cheek leh Conor Gallagher te a hmang kual ṭhin. Duhthlan tur a neih tho avangin Potter tan buaina lutuk tur a awm rih lo, chutihrualin match hautak an khelh hunah Kante hi an la mamawh leh dawn.

Potter kaihhruaina hnuaia harh tharna chang mek Chelsea hian Pathianni zanah Aston Villa an lenchilh dawn a, tun hnaia hliam defender Reece James pawh a la inlan thei lo ang.