President's Cup khelh hun a chiang

Cricket Association of Mizoram (CAM) in a tualchhung cricket season thar a khuhhawnna tournament a hman ṭhin - President's Cup 2022-2023 chu October 18, Thawhlehni aṭangin an khel ṭan dawn.

President's Cup-ah hian Cricket Association of Mizoram hnuaia inziak lut club-te bakah District Cricket Association te tel theih a ni a. Tun ṭumah hian team 42 an inel dawn.

Ramhlun Venglai Cricket Club chu champion lai niin, he tournament hi T20 format-a khelh tur a ni a. Knockout tournament niin ni khatah match hnih khelh ṭhin a ni ang.