Quarterfinal-ah Murray a lut

Andy Murray chuan Pedro Cachin hnehin Gijon Open quarterfinal a lut. Ningani zan inkhelah Murray hian 2-6, 7-5, 7-6 (7-3) in hnehna a chang a, a match lehpekah chuan American player Sebastian Korda a hmachhawn ang.

Murray hi tun hnaiah inkhel tam lo mah se British number 3 a la ni phak. Gijon Open khel tur erawhin wildcard pek a mamawh thung, eng tianga thui nge a thlen theih ang tih erawh rei vak lo hnuah kan hre dawn.

Grand Slam vawi thum champion tawh Murray chuan, "Tournament dang aiin ka service ṭha zawkin ka hria, chu chu ka chakna hnar pawimawh pawh a ni. Inkhel awlsam lo taka hnehna chan theih hi a lawmawm," a ti.

September thlaa khelh Laver Cup hnuah tun ṭum hi Murray-a'n inelna a hmachhawn lehna hmasa ber a ni. Tun season atan China ramah inelna a awm thei lo a, hei vang hian tournament paruk siam thar a ni a, chung zinga mi chu Gijon Open hi a ni.

Inelnaah hian Andrey Rublev a inlan ve a, Russian tlangval hi a thleng sang a nih chuan ATP Finals atan a tling nghal ang. Season tawpa a thiam zual pariat inelnaah hian a zawna kum thum inlan thei dinhmunah a ding.