Lionel Messi a dam tawh

Hliam vanga match hnih a khelh theih loh hnuah Lionel Messi a dam leh tawh. Pathianni zan dar 12:15 hian Paris Saint-Germain chuan Marseille an mikhual dawn - Ligue 1 inkhel pawimawhah hian Messi a inlan theih tawh a rinawm.

Messi tel loin PSG hian Ligue 1-ah Reims an hmachhawn a, Champions League-ah Benfica nen an inkhel bawk, heng inkhel pahnihah hian PSG hi an chak zo lo ve ve, point khat ve ve an hlawh chhuak a ni.

Argentina captain hian team training a zawm leh tawh a, a khelh leh khelh loh chu coach Christophe Galtier thutlukna a ni ang. Match khelh hmabak an ngah avangin a la hahdam tir rih a nih pawhin a mak hran lo ang.