Mizoram Fight League 3 a hmuhnawm

Mizoram Fight League Season 1-a fight night vawi thumna chu Zirtawpni zan khan R. Dengṭhuama Hall, Mualpuiah hlawhtling taka neih a ni a, season hmasa ber tawp nan fight night vawi khat chauh a awm ta bawk.

Main Event-ah Jug­ger­­naut MMA fighter Immanuel Lalthianghlima chuan BCA Brawlers fighter Lalṭhasanga chu round thumnaah a hneh. Lelhchhun tlangval Lal-

ṭhasanga'n bul ṭan ṭhain Immanuel-a hnek thal nghal a, amaherawhchu Lunglei tlangval a insiam ṭha vat a, round hmasa berah pawh che ṭha zawk a ni. Immanuel hian round 2-na pawh a thunun a, round 3-naah Ṭhasanga'n a ban a tih nat avangin tihtawp a ni. Round thuma che ṭha zawk Immanuel-a'n hnehna a chang.

Main Event ni si loa ngaihven hlawhah Lal­chhuanmawia chuan LPS Pro Fight-a hming chher tawh Lalrinawma (Ago-a) chu round hnihnaah Rear Naked Choke (RNC)-in a hneh. Round hmasa berah Chhuanmawia leh Ago-a te an inbei tawk a, round hnihnaah MMA-a tawnhriat ngah zawk Chhuanmawia a dingchang. DSZ fighter Chhuanmawia hian round 2-naah Ago-a chu ti thal nghalin hnung lam aṭangin a rek fuh a, Repub­lic Vengthlang tlangval hi RNC hmangin a chak.

MFL fight night vawi thumnaah hian fight kua dah a ni a, walkover pa­khat awm vangin fight pariat chauh awm mah se R. Dengṭhuama Hall pantu MMA ngainatute tan inchhirna tur a awm lo.

Inelna Thlirna Tawi
1. Flyweight
Juggernaut MMA vs Promise Striver
Lalvenhimi (Khawhai/Bethlehem Vengthlang) def.
K. Lalrinpuii (Edenthar)
Chak dan : Rear Naked Choke (RNC); Round 2, 2.09
2. Featherweight
DSZ vs Juggernaut MMA
Lalruatdika (Luangmual) def. Israel Lalfela (Khatla West)
Chak dan : Walk Over
3. Flyweight
BCA Brawlers vs Promise Striver
Lalbiaksanga (Tuikual North) def. Lalrosanga (Model Veng)
Chak dan : Split decision
4. Flyweight
Promise Striver vs DSZ
Lalrotlinga (New Ngharchhip) def. Lalruatkima (Falkland)
Chak dan : Split Decision
5. Bantamweight
BCA Brawlers vs Juggernaut MMA
David Zairemthanga (Zemabawk) def. PC Lalhminghlua (Bunghmun)
Chak dan : Rear Naked Choke (RNC); Round 1, 1:13
6. Middleweight
DSZ vs Juggernaut MMA
C. Lalfamkima (Diakkawn) def. Lallawmawma (Chanmari)
Chak dan : Technical Knockout (TKO); Round 1, 2:53
7. Flyweight
Promise Striver vs BCA Brawlers
Lalnunsiama (Rahsi Veng, Lunglei) def. Ngursaimawia (Luangmual)
Chak dan : Rear Naked Choke (RNC); Round 2, 2:47
8. Featherweight
DSZ vs BCA Brawlers
Lalchhuanmawia (Republic Vengthlang) def. Lalrinawma (Govt. Complex)
Chak dan : Rear Naked Choke (RNC); Round 2, 2:53
9. Middleweight
Juggernaut MMA vs BCA Brawlers
Immanuel Lalthianghlima (College Veng, Lunglei) def. Lalṭhasanga (Lelhchhun/Venghlui)
Chak dan : Retired, Round 3