Marquez tan nomawi a hnai

Marc Marquez tan MotoGP world champion ni turin kawng thui zawh tur a awm tawh lo. Season khar hmain intlansiak pahnih - Malaysia leh Valencia GP te a la awm a, Honda rider hi intlansiak pakhat zawkah chauh pawh pahnihna a nih phak chuan a vawi li nan a champion tawh dawn.

Nimin khan Phillip Island-ah Australian Grand Prix tlan niin pole position aṭanga bul

ṭantu Marquez hian duhthusama ṭhain bul a ṭan lo a, lap hnihna an tlan laiin panganaah a tlahniam hman. Mahse, tun season chhunga rider hmuhnawm ber tia chhal ngam Marquez hi lap 27 an tlan zawh meuh chuan a hmasa berah a thleng.

Kum 24 mi Marquez hian kumina intlansiak 16 a hma­chhawn tawhah ṭum ruk hnehna a chang thei a, point 269 hmuin amah hnaih bertu Yamaha rider Andrea Dovizioso aiin point 33 zetin hma a hruai fal tawh a ni.

Australian Grand Prix Results
# Rider Team
1 Marc Marquez Honda
2 Valentino Rossi Yamaha
3 Maverick Vinales Yamaha
4 Johann Zarco Tech3 Yamaha
5 Cal Crutchlow LCR Honda
Rider Championship Table
# Rider Points
1 Marc Marquez 269
2 Andrea Dovizioso 236
3 Maverick Vinales 219
4 Valentino Rossi 188
5 Dani Pedrosa 174