Semifinal khel tur a hriat

Mizoram Taekwondo Association buatsaih GIG Motors Taekwondo Fight League 2017 chu Inrinni khan Electric Veng YMA Hall-ah league round khelh zawh a ni a, Armed Veng Warriors, Zopa Goldsmith Chawnpui, Ramhlun Sporting Club leh Kolasib Fighters ten semifinal an lut. Semifinal hi a hmun ngaiah October 25 zanah khelh chhunzawm a ni ang.

Chak mamawh Hlimen-in an mahni ang bawka hnehna chan tum Chawnpui chu 98-97 in an hneh a, semifinal-a an khingpui tur chu league round khelh zawh taka point hmu sang ber Armed Veng an ni.

Aizawl pawn aṭanga team inlan awmchhun Kolasib Fighters-in Aizawl Taekwondo Academy Electric Veng lakah 96-61 in hnehna an chang a, pathumna an ni - pahnihna leh champion lai ni bawk Ramhlun nen final luh inchuhin an innuai leh ang.