Khatla South Barons an champion

Mizoram Basketball Association (MBBA) Season Opening Tournament-ah MSL club thar Khatla South Barons chuan final-ah Tuikual South hnehin an champion. Hmeichhe inelnaah Team Alpha chuan Durtlang Mohicans chu 59 - 46 in an hneh ve bawk.

Season Opening-ah hian MSL club pasarih bakah Aizawl district aṭangin Division I (7), Division II (14), leh Division (49) club te an tel a, an vai hian club 77 an ni. Hmeichhe inelnaah hian club panga an tel thung.

Khatla South hian champion turin Eagles BC (71-42), Kanan BC (63-47), VR4 (71-50), Chanmari Vikings (70-66), Zarkawt BCA (59-57) leh Tuikual South (68-67) te an hneh.

Barons tan MSL vawi li champion tawh Zarkawt BCA hneh hi inchhuanna tham a tling a, final-ah MSL club hlun Tuikual South an hneh leh bawk. Nomawi inchuhnaah hian Barons-in an huaisen rah an seng. Third quarter khelh zawhah TKS hian 52-46 in hma an la hruai a, quarter tawp berah Barons hian 68-67 in an lehthal a ni.

Khatla Barons Squad:

Michael Lalṭhakima, Moses Lalchhuansanga, Gospel Lalthawmmawia, Vanlalmuana, Michael Lalrinzuala, Francis Vanlalmawia, Jonathan Lalhruaitluanga, Lalhmachhuana, Marius Lalhmahruaia, Lalropuia, Samuel Lalramdintluanga, Lalrinhlua, Johan Lalthianghlima

Coaching Staff: Lalawmpuia Varte (Head Coach), Roy Lalhriatpuia (Manager), Lalruatkima (Asst Coach), Moses (Asst Coach) & Raymond (Asst Coach)