TOISA Award dawngtu Jeremy

Jeremy Lalrinnunga chu Times of India buatsaih TOISA Award 2021-ah 'Young Achiever of the Year' atan thlan a ni. Mizo tlangval hian Commonwealth Games neih zawh takah khan India tan gold medal a chawi chhuak.

Award ngaihhlut Sportsperson of the Year chu Neeraj Chopra hlan a ni. Neeraj hian Beijing Olympic-ah khan fei khawh (javelin) huangah gold medal a la a, India tan mellung pawimawh bik a phun.

Ainawn Veng (Govt. Complex) tlangval Jeremy-a chuan, "Ka tan chuan he award hi a hlu hle. Tuna ka thil tum ber chu Paris Olympic khelh a ni a, chumi atana pawimawh chu taksa hrisel leh fit ṭha a ni. Theihtawpin ka inbuatsaih chhunzawm zel ang," a ti.

English-a chhuak chanchinbu lian ber TOI hian Mizo nula Lalremsiami Hmar pawh chawimawina a lo hlan tawh. Remsiami hian 2019 khan 'Emerging Player of the Year' lawmman a lo dawng tawh bawk.