India tan beisei tur a awm lo

FIFA Under-17 Women's World Cup-ah a thlengtu India chu goal khung loin an tla fel der a, Zirtawpni zan khan Morocco lakah 3-0 a an tlawm avangin knockout round an lut thei tawh lo.

India hian an match hmasa berah USA chu mualpho takin 8-0 in an ngam lo a, Zirtawpni zan khan Morocco lakah first half chhungin goal chhuah lo mah se, India ang thoa a vawi khat nana U17 Women's World Cup khel Morocco-in second half-ah goal thum an khung.

Kalinga Stadium, Bhubaneswar-a fans 8,000 chuang hmaah Morocco tan Doha El Madani chuan handball vanga penalty an hmuh chu a chhuih goal a, Yasmine Zouhir leh Djennah Cherif te chuan goal khat ve ve an khung bawk.

India hian zanin dar 8:00-ah an match hnuhnung ber chu Brazil nen an khel dawn a, hnehna chang pawh ni se knockout round an lut thei tawh lo a ni.

October 14, Zirtawpni
Germany 6 - 0 Chile
India 0 - 3 Morocco

October 15, Inrinni
France 1 - 2 Tanzania
China 0 - 2 Colombia
Spain 1 - 2 Mexico
Japan 4 - 0 Canada

Zanin Inkhel Tur
New Zealand 4:30 PM Germany
Nigeria 4:30 PM Chile
USA 8:00 PM Morocco
Brazil 8:00 PM India