Mizoram Jr Team an la chak vek

Basketball Federation of India buatsaih - 72nd Junior National Basketball Championship North East Zone neih laiah Mizoram an che ṭha, match li an khelh tawh chinah an khingpui an la sawp vek.

Inelna hi Shillong, Meghalaya-ah neih niin, vawiin chawhma dar 10:00 hian Mizoramin an match hnuhnung ber atan Nagaland an hmachhawn dawn, an chak leh a nih chuan tuma chuh buai phak rual loin North East Zone champion an ni ang.

India rama junior team te ineIna lian hi zone panga - North Zone, South Zone, East Zone, West Zone leh North East Zone ah te khelh a ni a, zone tin hian tun thla chhungin inelna neih zawh tur a ni.

East Zone inelnaah hian state pariat an inel. Zone tin aṭanga ti ṭha team pathum leh a thleng tu team te nen an vaiin team16 in Junior National Basketball Championship chu December 21 – 28, 2022 hian Karnataka-ah an khel ang.