Rodgers tan buaina a kiang thei lo

Inrinni zan khan Leciester City chuan Crystal Palace an mikhual a, goal awm loin an inhnehtawk. Foxes hian October thla tirah Nottingham Forest 4-0 a sawpin harhtharna chang angin lang mah se hemi hnu hian Bournemouth lakah 2-1 in an tlawm a, Palace lakah point khat chauh an hlawh chhuak leh bawk.

Leicester hian point nga chauh an la hmu a, hun tawpah fan-ten an au el hial. Foxes hi table mawngphaha awm Forest nen an point hmuh zat a inan avangin manager Brendan Rodgers a dinhmun a la derthawng zel.

Brendan Rodgers chuan, "Ṭum hnih pangana kan ni a, ṭum khat pariatna kan ni bawk. Amaherawhchu, transfer bazarah sum kan hmang thei lo a, kan result-in a tuar ta a ni. Fan-te harsatna ka hrethiam a, keipawhin hrehawm ka ti. Ka mawhphurhna a ni a, theihtawp ka chhuah zel ang," tiin a sawi.