Alonso-a Leverkusen an sawp!
Xabi Alonso kaih-hruaina hnuaia an match hmasa berah Bayer Leverkusen-in 4-0 zetin Schalke 04 an sawp a, a hnu match hniha an goal chhuah zat erawh goal riat a ni - German club an tho hleithei lo.
Champions League-a Porto laka mualpho hlim Leverkusen hian Eintracht Frankfurt chu Inrinni zan khan 5-1 zetin an ngam lo a, Bundesliga relegation zone-ah an awm.
Europa League champions Frankfurt hian penalty vawi hnih zet an hmu a, Japanese midfielder Daichi Kamada chuan a chhuih lut ve ve - Randal Kolo Muani, Jesper Lindstrom leh Lucas Alario ten goal khat ṭheuh an khung bawk.
Frankfurt hian first half hun pek belhah Kamada-a penalty hmangin an goal hmasa ber hi an khung a, Piero Hincapie chuan Leverkusen tan a chhanglet - mahse, Frankfurt-in goal li dang an khung zui a, chiang takin an chak.
Hincapie hi minute 71-naah Kolo Muani laka a foul avangin hnawhchhuah a ni a, penalty a chawi bawk.
Leverkusen hian tun season-ah beisei ang result an neih theih loh avangin coach Gerardo Seoane chu thlatir khan an ban a, Alonso an lalut - mahse, league match hnih an khelhah vawi khat chakin, vawi khat an tlawm a, beisei angin danglamna a la thleng lo niin a lang.
Nizan khan Bayern Munich leh Borussia Dortmund an inlan a, he thu buatsaih a nih lai hian result kan hre hman lo.
October 14, Zirtawpni Zan
Schalke 04 0 - 3 Hoffenheim
HOF:Robert Skov 11' (P), 45'; Moanes Dabbur 45+2'
October 15, Pathianni Zan
Eintracht Frankfurt 5 - 1 Bayer Leverkusen
EIN: Daichi Kamada 45+5' (P), 72' (P); Randal Kolo Muani 58'; Jesper Lindstrom 65'; Lucas Alario 86'
BAY: Piero Hincapie 56'
Wolfsburg 2 - 2 Borussia M'gladbach
WOL: Yannick Gerhardt 43'; Omar Marmoush 69'
BOM: Marcus Thuram 13', 47'
Stuttgart 4 - 1 VfL Bochum
STU: Silas Katompa Mvumpa (PG) 3', 64'; Naouirou Ahamada 22'; Wataru Endo 71'
BOU: Simon Zoller 29'
Werder Bremen 0 - 2 Mainz
MAI: Marcus Ingvartsen 36'; Lee Jae-Sung 66'
RB Leipzig 3 - 2 Hertha Berlin
RBL: Emil Forsberg 25'; Abdou Diallo 30'; Willi Orbán 45'
HER: Dodi Lukébakio 62' (P); Stevan Jovetic 64'