Denmark-ah Srikanth a thiam ber

India badminton star Kidmabi Srikanth chuan kumin chhungin Super Series Premier title pathum a la tling ta. Pathianni zan khan Denmark Open final khelh niin Srikanth hian a khingpui Lee Hyun II chu 21-10, 21-5 in a hneh.

World number 8 Srikanth hian semifinal-ah world number 2 Son Wan Ho a hneh thei bawk a, final-ah pawh hian hnehna chang turin minute 25 bak hun a mamawh lo.

Kum 24 mi Srikanth chuan, "A ni zawnin kan inkhel a, taksa a chau ve hle. Final hi a harsa ber pakhat tura ka ngaih a ni a, game hloh lo a ka chak tlang kha ka vannei hle," a ti. Srikanth hian season tir lam khan Indonesia Super Series Premier leh Australia Open Super Series nomawi te a chawi tawh bawk.

Hmeichhe singles lamah kum 2013 world champion Ratchanok Inthanon chuan champion lai Akane Yamaguchi lakah 14-21, 21-15, 21-19 a hnehna changin tun season chhunga a nomawi hmasa ber a chawi ve bawk.

BWF World Ranking Thar
# Player Ram Points
1 Viktor Axelsen DEN 76200
2 Son Wan Ho KOR 73388
3 Lin Dan CHI 68746
4 Shi Yuqi CHI 67307
5 Chou Tien Chen TPE 64681
6 Chen Long CHN 64046
7 Lee Chong Wei MAS 61304
8 Kidambi Srikanth IND 58583
10 Tian Houwei CHI 54270