Del Potro kutah Stockholm title

Juan Martin del Potro chuan tun season chhunga a nomawi hmasa ber ni turin Stockholm Open nomawi a chawi. Pathian­ni zan final khelhah Argentine tlangval hian Grigor Dimitrov chu darkar khat leh minute 25 chhungin 6-4, 6-2 in a hneh a, tennis a khelh hun chhunga a title 20-na chiah a ni bawk.

World number 19 Del Potro leh Bulgaria tlangval Dimitrov te an inbei tawk hle a, set hma­sa zawkah 2-2 a ni. Ball vaw na tak Del Potro-a'n vawi kua ngawt aces siam zuiin harsatna nei loin hnehna a chang.

Kum 209 mi Del Po­tro chuan, "Grigor nen kan inkhelh tawhah chuan ka chet fuh ber ṭum a ni," a ti. US Open champion hlui Del Potro hian ATP ranking points 470 hmuh belhin number 14-naah a invawrh chho.