India-in New Zealand hneh lo

Pathianni khan India-in an mikhual New Zealand chu Wankhede Stadium, Mumbai-ah 6 wickets-in an hneh lo.

ODI series hi best of three a khelh tur niin October 25, Nilaini tlai dar 1:30 hian Maharashtra Cricket Association Sta­dium-ah an khel leh ang. ODI zawh hian India leh New Zealand te hian T20 match thum an khel lehnghal dawn a ni.

ODI hmasa berah hian India-in bat hmasain Virat Kohli chuan 121 tehmeuh siam mah se captain thlawp ṭha an awm lo a, chutihrualin run 280 an vuak chhuah tho avangin chak pui theih a ni.

New Zealand bat hun a thleng a, Ross Taylor (95) leh Tom Latham (103 not out) te hmangin over 49-ah run 284 an vaw chhuak a, wicket li chiah hloh bawkin hnehna an chang.