Ferrari hmaah Hamilton

Lewis Hamilton tan Formula 1 driver champion ni turin hmabak a tlem tawh hle. Pathianni zana tlan zawh tak United States Grand Prix-ah Hamilton hi Ferrari driver pahnih Sebastian Vettel leh Kimi Raikkonen te hmaah a thleng a, intlansiak hmabak pathum an la neihah amah hnaih bertu Vettel aiin point 66 zetin a sang fal tawh zawk.

Mercedes driver Lewis Hamilton chuan, "Mipui an rawn kal khawm hnem a, kum 2012 aṭang khan kumtin an pung chho zel a, tunah chuan intlansiak nuam ka tih berna hmun pakhat a ni tawh," tiin Austin chungchang a sawi.

World champion vawi li ni tawh Vettel chuan, "Lewis kha tlanpelh theihna hun kan nei a, chutihrualin huaisen taka hmalam a pan miau avangin a harsa ve hle. A nihna takah chuan keini aiin car an nei chak zawk a, kan pawm thiam a ngai," tiin a sawi.

US Grand Prix Result
# Driver Car LAPS GAP
1 Lewis Hamilton Mercedes
2 Sebastian Vettel Ferrari
3 Kimi Raikkonen Ferrari
4 Max Verstappen Red Bull
5 Valtteri Bottas Mercedes
6 Esteban Ocon Force India
7 Carlos Sainz Renault
8 Sergio Perez Force India
9 Felipe Massa Williams
10 Daniil Kvyat Toro Rosso