Zaninah group stage khel zo dawn

FIFA Under-17 Women's World Cup chu zaninah group stage khelh zawh a ni dawn ta a, match li inkhel a awm ang - nizan khan India chuan Brazil nen an match hnuhnung ber an khel a, result kan hre hman lo.

Group D-ah zanin dar 8:00 hian France vs Japan leh Tanzania vs Canada kan hmu dawn a, Japan hi knockout round lut tawh niin, team pathum dang hian beiseina an la nei vek bawk.

Vawiin inkhel hmasa zawkah, tlai dar 4:30 hian group C an inlan dawn bawk a, China vs Spain leh Colombia vs Mexico te hi knockout round luh beisei vek an la nih avangin a hmuhnawm ang.

October 17, Thawhṭanni
New Zealand 1 - 1 Germany
Nigeria 1 - 0 Chile

October 18, Thawhlehni
Colombia 4:30 PM Mexico
China 4:30 PM Spain
France 8:00 PM Japan
Tanzania 8:00 PM Canada