Qatar-in Asian Cup thleng dawn

Asian Football Confe-deration (AFC) executive committee chuan nimin khan Asian Cup 2023 thleng tur a puang a, Qatar chuan Asia khawmualpuia football hmanga ram leh ram inelna sang ber hi a thleng dawn.

Asian Cup 2023 hi ruahmanna hmasaah chuan China thlen tur a ni a, June, 2019 khan inelna an thlen tur thu hi puan a ni. Mahse, China sorkarin 'zero-COVID policy' a kalpui avangin kumin May thla khan China hi an inhnukdawk a, Qatar-in an thleng dawn ta a ni.

Qatar bakah hian Indonesia leh South Korea chuan inelna thlen hi an dil bawk a, mahse, kumin World Cup thleng tur Qatar chu Asian Cup thleng tura thlan an ni ta a ni - team 24 an inel dawn a, India pawh inelna hmachhawn turin a tling.

Asian Cup hi June - July, 2023-a khelh tura ruahman a ni. Mahse, kumin World Cup pawh Qatar-ah June-July a lum em avangin November -December-ah sawn a ni a, Asian Cup khelh hun hi thlasikah an sawn ve a nih pawhin a mak lo ang.