Scotland-in West Indies an hneh

2022 ICC Men's T20 World Cup-ah result danglam a awm leh ta a, nimin tlai inkhelah Scotland-in West Indies 42 runs-in an hneh.

Blundstone Arena-a inkhelah hian Windies-in vawm hmasak an thlang a, Scotland-in 160/5 runs an siam. Windies tan target hi umphak theih ni mah se over 18.3-ah 118 runs siamin an thi fai vek.

Vawiin hian group A team-te an inlan leh dawn. Chawhma dar 9:30-ah Netherlands leh Namibia an inkhel ang a, tlai dar 1:30-ah Sri Lanka leh UAE te an inhmachhawn ang. Netherlands leh Namibia te hian an match hmasa berah hnehna an chan ve ve avangin an inkhel tur hi a pawimawh hle.