Chhinga Vengin record thar an siam

25th October, 2017

Lalsangzuala Hmar hnuaiah Chhinga Veng chu match 22 chhung hneh loh nei loin an kaltluang ta. Thawhṭanni zan khan Dinthar FC an hneh a, H. Vanlalthlanga hnuaia Chanmari FC record an khum chiah.

Chhingcows hian tun season-ah hneh loh an tawng lo a, MFA Super Cup leh I Day Football an champion hnuin Mizoram Premier League Season 6-a semifinal lut hmasa ber an ni.

Chhinga Veng an Sang

Sanga enkawl Chhinga Vengin record siam turin harsatna an tawk lo. Thawhṭanni zan inkhelah hian minute 10-na lekah R. Malsawmtluanga'n goal hmahruai khungin first half tawp hmain Lalrammuanpuia'n a khung belh a. Minute 52-naah Laldampuia'n Chhingcows goal thumna a khung leh bawk.

Chhinga Veng hian goal thum an khung hnuah tha an thlah a, Dinthar FC-in Lalbiakhlua leh Samuel Laltlanthanga te goal khat ve ve hmangin chhang let mah se Chhingcows chak tur an dal zo lo.

Chhingcows-in semifinal an luh chian hnuah Dinthar FC an hneh leh avangin match 10 an khelh aṭangin point 26 an hmu a, season liam taa hmahruaitu Bethlehem Vengthlang FC point hmuh zat point khat chiahin an pha tawh lo.

A ropui e

Chhinga Veng hian tun season-a match 22 an khelhah vawi hnih chiah an khingpui an draw a, Aizawl FC leh Ramhlun North nen an inhnehtawk tih loh chu an chak vek. Chhingcows hian Sanga hnuaiah goal 96 an khung tawh a, goal 100 khung tling turin goal li bak an mamawh tawh lo.

Chhingcows tlarhnung erawh ṭha chungchuang tiha sawi tur a ni lo a, match 22-ah hian goal 21 an chhuah a, clean sheet vawi sarih chiah an nei a. MPL match hnuhnung pasarihah goal an chhuah vek bawk.

Dinthar an buai

MPL champion hmasa ber Dinthar FC-in coach thar Vanlalrova hnuaiah Chanmari West hneh mah se Ṭhuamluaia Muala an result neih ṭhat Lammualah an chhunzawm thei lo.

Maimawms hian Ramhlun North an hneh loh hnuin Chhinga Veng lakah an tlawm lehnghal a, harsatna belhchhah turin minute 85-naah midfielder Clarence Carter chu Chhingcows forward Malsawmfela a tlawh avangin hnawhchhuah a ni.

Rova hote hian October 26 zan hian Bethlehem Vengthlang an hmachhawn dawn a, an Nigerian midfielder ṭha hi BVT bakah November 3-a Aizawl FC nen an inkhelh hunah a inlan ve thei lo ang.

Lalsangzuala Hmar hnuaia Chhinga Veng match 22
MFA Super Cup
Last 64
Zarkawt FC 0 - 9 Chhinga Veng FC
CVFC : Malsawmfela 6' (P), 58'; Ramfangzauva 16'; Lalrammuanpuia 32', 41'; Laldampuia 65', 66'; MS Dawngliana 79'; Lalchhuanpuia 87'
Last 32
Zo Dreams FC 0 - 14 Chhinga Veng FC
CVFC : Lalchhuanpuia 18', 77'; Malsawmfela 29', 42', 50'; Lalrinchhana Tochhawng 31', 54'; MS Dawngliana 48', 87'; R. Lalawmpuia 58; Laldampuia 61'; Zosangliana Sailo 73'; Shalom Lala 74'; Lalrammuanpuia 89'
Last 16
Chhinga Veng FC 14 - 2 Chawnpui FC
CVFC : R. Malsawmtluanga 5', 66'; R. Laldinliana 41'; Laldampuia 45+2 ',61' ,63', 68'; Laldingngheta 51', 86'; MS Dawngliana 70', 81'; K. Lalthlahlova (Patea) 75; Malsawmfela 89', 90'
CPFC: Lalthansanga 14'; Zarzokima 26'
Quarterfinal
Chhinga Veng FC 1 - 0 Bethlehem Vengthlang FC
CVFC : K. Lalthlahlova (Patea) 37'
Semifinal
Chhinga Veng 3 - 2 Venghlui FC
CVFC : Malsawmfela 43'(P); H. Lalrohlupuia 60' (OG); MS Dawngliana 62'
VFC : Vanrammawia Ngente 6'; K. Lalthlahlova (Patea) 14' (OG)
Final
Chhinga Veng 5 - 0 Chanmari West
CVFC : Malsawmfela 31', 34', 49'; Laldingngheta 35';
R. Malsawmtluanga 78'
I Day Football 2017
Group Stage
Chhinga Veng FC 5 - 1 Chanmari West FC
CVFC : Malsawmfela 9'; MS Dawngliana 45'; Lalmawizuala 47' (OG); Laldampuia 69', 83'
CWFC : Lalnunmawia 30'
Mizoram Police 2 - 5 Chhinga Veng
MPFC : Lalfakawma 3'; B. Zoramthanga 10'
CVFC : Malsawmfela 21', 76'; R. Laldinliana 62'; MS Dawngliana 62'; Lalkhawpuimawia 79'
Chanmari FC 1 - 5 Chhinga Veng
CFC : Rochhingpuia 75' (P)
CVFC : Malsawmfela 11'; MS Dawngliana 21', 46'; Laldampuia 61', 86'
Chhinga Veng FC 6 - 1 Rhino Charge
CVFC : Laldingheta 14'; Malsawmfela 16'; K. Lalthlahlova (Patea) 66'; Lalkhawpuimawia 69'; Vanlallawma 81'; Laldingngheta 87'
RHI : Lalneihkima 85'
Semifinal
Chhinga Veng FC 2 - 1 Bethlehem Vengthlang FC
CVFC : R. Malsawmtluanga 16'; Malsawmfela 63'
BVT : Ramengmawia 53'
Final
Chanmari FC 1 - 2 Chhinga Veng
CFC : Jakob Vanlalhlimpuia 2'
CVFC : Lalrammuanpuia 56' ; MS Dawngliana 101'
MPL6
Mizoram Police FC 1 - 4 Chhinga Veng FC
MPFC : F. Lalrinpuia 20'
CVFC : Laldampuia 39'; Malsawmfela 44', 90+2'; R. Malsawmtluanga 67'
MoM : R. Malsawmtluanga, CVFC
Chanmari West 0 - 3 Chhinga Veng
CVFC : Vanlallawma 53'; R. Malsawmtluanga 63'; Malsawmfela 67'
MoM : R. Malsawmtluanga, CVFC
Aizawl FC 2 - 2 Chhinga Veng FC
AFC : K.Lalthathanga 19'; Jonathan Lalrawngbawla 49'
CVFC : Malsawmfela 7'; Lalhriatrenga 37' (OG)
MoM : Zothanmawia, CVFC
Chhinga Veng 2 - 0 Bethlehem VT
CVFC : MS Dawngliana 45', 64'
MoM : MS Dawngliana, CVFC
Chhinga Veng FC 1 - 0 Chanmari FC
CVFC : Lalkhawpuimawia 59'
MoM : Lalrinchhana, CVFC
Ramhlun North FC 3 - 3 Chhinga Veng FC
RNFC : Lalremruata 3'; V. Lalchhuanawma 83' (P), 89' (P)
CVFC : Lalkhawpuimawia 14'; Laldampuia 17'; Lalrinchhana Tochhawnga 90+2'
MoM : Lalrinfela, RNFC
Chhinga Veng 3 - 1 Dinthar FC
CVFC : Malsawmfela 58', 90'; Laldampuia 90+4'
DFC : Lalrinchhana Tochhawng 81' (OG)
MoM : R. Laldinliana, CVFC
Chanmari FC 1 - 2 Chhinga Veng FC
CFC : Joe Zoherliana 12'
CVFC : MS Dawngliana 64', 76'
MoM : MS Dawngliana, CVFC
Chhinga Veng FC 2 - 1 Chanmari West FC
CVFC : R. Laldinliana 42', 69'
CWFC : Lalengmawia 7'
MoM : R. Laldinliana, CVFC
Dinthar FC 2 - 3 Chhinga Veng FC
DFC : Lalbiakhlua 70'; Samuel Laltlanthanga 74'
CVFC : R. Malsawmtluanga 10'; Lalrammuanpuia 45'; Laldampuia 52'
MoM : R. Malsawmtluanga, CVFC