Tlai dar 1:30-ah India Vs New Zealand

Vawiin tlai dar 1:30 hian Maharashtra Cricket Asso­ciation Stadium-ah India-in New Zealand an hmachhawn dawn. ODI match hmasa berah mikhual team hian Wankhede Stadium-ah 6 wickets-in hnehna an chang a, ODI series match thum khelh tura match hnuhnung ber chu Green Park, Kanpur-ah October 29 hian khelh a ni ang.

India skipper Virat Kohli chuan ODI hmasa berah hian run 121 a siam a, New Zealand laka run 1,000 siam tling turin match 17 chiah a mamawh. Kohli hian Dean Jones a record a khum a, Australian cricketer hian match 19 a mamawh thung.

Kum 28 mi Kohli kaihhruai India team hian hnehna erawh an chang zo lo a, an chak loh chhan hi bowling lama plan B an neih ṭhat tawk loh vanga a ngaih theih. India hian series lak an tum a nih chuan vawiin hian hnehna an chan a ṭul ang.